Allus kow ka-ay to Obo Manobo Active Language Resource and Community Development Incorporated (OMALRACDI) Website.
Iddot lahun to Ogustu 1989, Id boggoy to SIL onsi Ena Vander Molen woy si Vera Khor Lee Kee to baahad nod tigkanoy to kod-alin to kinohiyan no Obo Manobo ka-ay to Mindanao, Southern Philippines. Dos mgo minuvu no Obo Manobo id aaha to 70,000, no id ubpa diyot annom (6) no nokod-ossa-osson distritu. Ko-urallan kandan id oubpa riyon to suksuk no lugaa woy moriyu to mgo iskuelahan woy pilo-pila ra kandan kos od ponkotuwig nod basa way od sulat. Sopuun lahun pomon tadda, iddot 1998 novovallan dos Monuvuwon no Organisasyun (pomon tat nokod ossa-osson simba-an) no id ngoranan to Obo Manobo Active Language Resource and Community Development Incorporated (OMALRACDI) amoy od pongomunoy tod puungan atag to mgo monuvu. Iddos Obo Manobo no Bibliya diyon to Lammin Tandu nopongnga iddot lahun to 2010 woy id dedikar iddot Uktubri 2011.Iddot lahun to Ogustu 1989, Id boggoy to SIL onsi Ena Vander Molen woy si Vera Khor Lee Kee to baahad nod tigkanoy to kod-alin to kinohiyan no Obo Manobo ka-ay to Mindanao, Southern Philippines. Dos mgo minuvu no Obo Manobo id aaha to 70,000, no id ubpa diyot annom (6) no nokod-ossa-osson distritu. Ko-urallan kandan id oubpa riyon to suksuk no lugaa woy moriyu to mgo iskuelahan woy pilo-pila ra kandan kos od ponkotuwig nod basa way od sulat. Sopuun lahun pomon tadda, iddot 1998 novovallan dos Monuvuwon no Organisasyun (pomon tat nokod ossa-osson simba-an) no id ngoranan to Obo Manobo Active Language Resource and Community Development Incorporated (OMALRACDI) amoy od pongomunoy tod puungan atag to mgo monuvu. Iddos Obo Manobo no Bibliya diyon to Lammin Tandu nopongnga iddot lahun to 2010 woy id dedikar iddot Uktubri 2011.
The Calling Video
Nongkapa koy
Address: Sitio Sayaban, Ilomavis, Kidapawan City
Country: Phillipines
Province: North Cotabato
Zip Code: 9400
Otik duwon kopi-irow nod kosorollan kopakoy nod kuntak: info@omalracdi.org
Dontulon
- Dos urganisasyun to (OMALRACDI) id poohinat atag to solinakup no mgo dontulon no id pomantok diyon to Articles of Incorporation duhang inis od tundug no id poklarun mgo dontulon.
- Dos kodbullow woy kodposo-ob to minonuvun Kahit Monama riyon to Obo Manobo no mgo simba-an.
- Dos kodponokkaa to Obo Manobo nod Pompomakoy ukit to mgo kotuihan to kodpohinonaw woy mgo kodposokaddoy to mgo Pastor.
Kodposaddoo moka-atag to Pinuungan to OMALRACDI.
Kodponokkaa to kopomakoy, ko-ongayan, koroniyan, sinorollan, moppiyon kodlolaawa woy moppiyon kominuvuwan to mgo Obo Manobo no tribu woy mandad to kod-allid to konamin botasanon woy kinohiyan ukit to kodhubad to Kahit Monama woy mgo libru atag to kodpohinonaw, od nonaw to literacy, od puung atag to kodpo-udsuu to lugaa to mgo Monuvu woy dos nonaw to Kahit Monama kos od lohinatan doy to kodponaad to mgo kopiyannan diyon to iling doy no mgo Monuvu.
Dos mgo impon to inin Website kopakoy nod kupyan atag to mounayan o local no puungan to simba-an piru duwon kundisyun, no diid kopakoy nod bovaawan, boligya o id sambut dyot dumon pruduktu.
Verse of the day
De‑en pomon taddot allow no norinog doy iddos moka‑atag koniyu, id dasaa koy inaayun diyot Monama atag koniyu. Id buyu roy no od iponnuwon kow to moraom no koovottan nid pomon to Ispiritu rin, su amoy od kosorollan dow iddos id kopi‑i rin atag koniyu. Oyya su ukit ka‑ay, od loppa iddos koniyun kodbovotasan taddot mgo minuvu nid pomakoy tod Longaggon amoy od kopuungan dow inaayun kos id kahaa‑i rin. Od dasaa koy nod puungan dow iddos langun no moppiya, woy od kotimulan pe‑en kos sinorollan dow moka‑atag to Monama.
Dos Sulat Ni Pablo Atag To Mgo Toho Colosas 1:9