Mgo Uwahing woy mgo Oppad/Oggung

Mgo Uwahing woy mgo Oppad/Oggung Solida

Mgo Uwahing woy mgo Oppad/Oggung Solida

 


Kulintang-Sokkad ini no dohingon pomon poron to kuvuyyahan,duwon otollu o oppat nod togunggu ka-ay piru kopakoy rad no sokkad no minuvu su od gomiton dan dos oruwon bollad  apii kos pa-a. Od bitinon ini poti-ayun woy od kogamit ini to mo-uraa no kolivuungan iling to pista,sohoka-an, kod lowwi to mgo oukuy korumannan mgo pared , sohoka-an to kod posolamat, kod kottu woy duma pa no kolivuungan.


Kombeng

Kombeng- Binovallan ini pomon to Laya. Id ta-aw dyot bivig id popantok dos dila to Kombeng. Od  kobbiton to timbovakaa no kowanan iddos ubpu. Dos dila to kombeng od waong de-en kos od dahing. Na dos bivig kos od po-ayuu to oppad ukit to kod bokka to bivig  duma to songnga rin.Kopakoy idda nod ponokkalon woy od powhayyon woy od polinon kos dahing  din.

Dos Kombeng kopakoy idda nod gamiton timbang kod potongkooy dyon to sakup to pomilya woy mgo korumannan.Kopakoy ini nod gomiton to Ba-ay woy mama. Piru ko-urallan mama su od kohamit dan mandad ini diyon to kod ponudtuu to kandan nod geddamon dyon to ba-ay.  


TYP Lantuy

TYP Lantuy

 Lantuy-binovallan pomon to bookayu o Laya no mollimot, dyot ubpu diid owan kos buku.Od bobboan idda amoy dutun id ta-aw kos kommoo.Laggun tod irupon idda duma to oppad.Od laawan idda amoy motoos nod ontongngan.


Souroy-Binovallan pomon to laya, dos kora-an od kudliton piru ko-ungkay kuwerdas o alambri no mollimot kos id takos amoy idde-en kos od kobbiton atuu  dos mgo kommoo.

Kuglung

Kuglung-  Binovallan pomon  to kayu, od susungngan idda woy  duwon bobbo diyon to tongannan, oruwa  kos kuwerdas, woy duwon domalan. Od bovallan dan iddos ubpu to mgo boyo to oyama iling to Kuda uu to Uwod, Buwaya woy duma pa. Od tawwan  idda to bowkag  to Kuda amoy motoos pa nod ontongngan.